Paglingon habang Nagpapatuloy

Gaano katagal aking hihintayin?
Gaano kalayo aking lalakbayin?
Sa bawat luha ano ang napapala?
Sa bawat pighati may kapalit bang ligaya?

Kaya bang balikan mga bagay na naiwan?
Di pa ba ito napinid sa kawalan?
Tama ba ang ginawa? Ano ang mapapala?
Sa bawat pag lipas ako ba'y may nakuha?

Ang aking landasin ay tila madilim
Biglang maaalala kung saan nanggaling
Nagtanong sa sarili at naghihinaing
Tayo na at magpatuloy sa dulo'y may piging.

Bawat dusa at saklap susubukang kayanin.
Tatawid sa dagat at bulubundukin.
Muling babangon matapos humimbing
Ang bagong umaga haharaping magiting



Comments

Post a Comment

Popular posts from this blog

Bangka

Tayo'y mga bangka Mga manlalayag Minsan tayo ang dumadaong Minsan tayo ang nakaabang Minsan tayo ang tiga-hatid sa pumapalaot Minsan tayo ang tumutungo paalis Pumaroon, pumarito Sana wag malimot na tayo'y umiikot sa iniwan at nangiiwan Hindi madidikta Kung hanggang kailan Pansamantala ba O mas matagal pa Ngunit lagi't laging Matutong yakapin Ang ngayon higit pa sa dati at mga inaasam na parating Kaya't sambitin "Napadaan ka, salamat."
Read more

Sana

Sa bawat pag sulong ano ba ang makakamit? Sa bawat pakikibaka ano ba ang napapala? Meroon bang nakikinig, o sila ay tulog lang. Ang bawat sigaw, hinagpis at pag-luha Ano nga bang ang mararating, hindi sana wala. Sigaw ng pag-laya ng puso na naaapi. Pag tangis sa tuwi-tuwina kelan kaya ang huli? Saan ba hahantong and aking mga sigaw? Saan na kakanlong ang pagod kong katawan? Meron kayang dulong ang ating pag laban? Sana meron naman Mga dugo at pawis ng aking inialay Ang gutom at puyat sa tuwina ay kaagapay Saan ba ako tatayo sa kinabukasan Sa buhay kong ito may pagbabago bang masisilayan? Sa pag tunog ng kampana sana ay may masumpungan.
Read more

Kay Hirap Maging Pantas

Kay sarap tingnan ang kadiliman ng gabi Habang ang hangin buhok ko ay hinahawi Nakatingin sa kalangitan, sa lawak ng kalawakan Masarap isipin na ako ay tuldok lamang Ang isip ko ba'y bukas upang maintindihan? Ang tinatago nitong katotohanan Saan ako tatayo, saan manggagaling Sapat ba ang katalinuhan upang ito ay isipin Hanggang kailan ko ito, kayang paglinangin. Alam kong walang sagot, sa ngayon sa mga tanong Habang nagmumuni, nag iisip, nagninilay Dumarami lamang mga gustong malaman Dahil sa bawat sagot, may tanong na lumilitaw.
Read more